ليش إذا الولد حب أو بدى يفكر بـ الحب يقولون عنه هذا كبر مو مشكلة , إهي مرحلة مراهقة و هـ الشي طبيعي
و إذا البنت فكرت تحب قالوا عنها هاذي قليلة أدب , و أهلها ما عرفوا يربونها
ليش إذا الولد شغل الأغاني و علّا عـ الصوت يقولون هاذي حركات عادية , و هذا ولدنا و نعرف شو يسوي
( والله إنكم نايمين على إذنكم , روحوا شوفوه وين يروح و من وين إجا ! )
و إذا البنت سوت نفس الشي قالوا عنها ما تعرف الأصول , و ما تراعي أي شي
الولد مسموح له يعرف بنات
مسموح له يقعد عـ النت بدون حدود
مسموح له يضبط بنات
يقولون خليه يتثقف , الحين النت لغة العصر( أي ثقافة هاذي ! )
و البنت يويلها إذا سوت هـ الشي , يقولون لها إنتي لا عندك إحساس ولا ذمة , و قومي غسلي مواعين أحسن من هـ الخرابيط
الولد إذا طلع صوته بـ البيت و قام يرفعه على إخوانه و خواته يقولون عنه ماشاءالله هذا كبر و صار رجال , يبي يثبت وجوده
و البنت إذا سوت هدا الشي يقولون لها إنتي ولد ولا بنت و ما عندنا بنات يرفعون صوتهم بـ البيت , و يالله اقلبي وجهك
الولد إذا مشى مع الموضة و لبس لبس آخر موديل يقولون عنه هذا واحد كشيخ و ما فيه منه أثنين , و ما عليه كلام
و البنت يقولون عنها وحدة عقلها فاضي و تدور على التفاهات و الأمور الماصخة
الرجال الأرمل و أهو راجع من دفن مرته يفكر بـ المرا اللي بـ يتزوجها
و المرا الأرملة إميات القيود حولها
الرجال المطلق يحق له الزواج مرة و ثنتين و ثلاث , و يقولون خل يشوف حياته
و المرا المطلقة يعتبرونها عالة على المجتمع و ممنوع عنها كل شي , و إن طلعت من البيت يكسرو رجلها
بـ النهاية البنت دايماً غلطانة
ليش يعني
و لي متى هـ التفكير في بعض المجمعات و البيوت......
الأحد أكتوبر 09, 2011 6:46 am من طرف 
موضوع: *-* حرام عـ البنات و حلال عـ الشباب *-* ليش؟؟..؟؟..؟؟ 
