كيف تجاوب عالاسئله الغبيه--

كيف حال الاخوان
حابب اطرح عليكم موضوع وياريت تشاركوني فيه
وهو الاسئلة الغبية اللي بطرحوها الناس
يعني مثلا:

بتكون رايح تكب الزبالة
بتقلك مرتك:شو رايح تكب الزبالة
بتقلها :لا......... بس رايح اشم هوا بالمزبلة
--------
بتيجي على الدوام بتلاقي زميلك بقلك
شو مداوم اليوم
بتقلو: لا............ والله انا بالبيت بس انتا عم تتخيل
----------------
بتكون بدك تروح للبيت والدنيا شتا
بيجي زميلك بقلك:
شو عم بتشتي
بتقلوا : لا....... بس في طيارة خبطت بغيمة وخزقتها
-------------------
بتكون بنص الشارع عم تغير عجل السيارة المبنشر
بيجي واحد بقلك : شو بنشر
بتقلوا : لا والله مضيع مصاري تحت العجل
---------------------
بكون الواحد ماكل ضربة ونازل دمو ملي وجهو
بقلك: شوووووووووو دم
بتقول : لا والله بس حبيت اجرب الميك اب الجديد
شو حلو علي
------------------
بحكي صاحبك معك على تلفونك الارضي البيت
بقلك: انت بالبيت
بتقول : لا والله بس اخدت معاي التلفون الارضي على الدوام



*********

وعنجد يا اخوان انو اغلب هذه الاسئلة من الواقع وصارت معي

فياريت كل واحد اذا صادف سؤال من هالنوع يحكيلنا اياه

بلكي الواحد ياخد احتياطو لاي سؤال من هالنوع

وشكراً

عنجد حلوووين كتير ....
انا صادفت معي كتير متل هااي الاسئله يعني متلا :
لما كنت اصحى من النووم بحكولي شو صحيتي بحكيلهم لا لساتني بحلم ...
ولما اكوون مروح على البيت بحكولي شو روحتي بحكيلهم لا لساتني على الطريق ...
هاي من المواقف الي كانت تصير معي متشابه للموضوع ....
وعنجد الموضوع كتيررررررررررر نايس وزووء وبرااافو كتيرررر

انتي الحلوة يا عمري